BALON GAS ING GRIYA

Mangayubagya dinten ambal warsa kangge lare nem taksih dados tradisi. Kathah cara kangge damel acara ambal warsa. Asringipun gebyur toya saha tepung dhateng inggang ambal warsa, biasanipun ugi dipuntambah tigan. Acara sanes saged dipundamel kanthi paring roti tart nalika piyambakipun ingkang ambal warsa merem. Ugi saged dekorasi ruangan kanthi maneka warna hiasan. Nah, salah satunggaling hiasan inggih menika sebulan (balon). Sebulan ingkang biasa dipunginakaken wonten ing acara ambal warsa temtunipun sebulan ingkang saged miber. Ananing piranti kangge miberaken sebulan menika kadose awis saha boten kasade sembarangan.  Sinaosa mekaten kula saha panjenengan saged damel sebulan ingkang saged miber wonten ing griya piyambak.

Bahan ingkang dipunperlokaken inggih menika:

1.      Botol kaca, utawi botol bekas sirup

2.       Wadhah plastik kangge nganyesaken botol, utawi toples plastik

3.      Caustic soda/soda api (NaOH) saged dipunpundhut wonten ing toko pertanian utawi sanesipun

4.      Aluminium foil

5.      Sebulan

6.      Toya

7.      Tali, benang, utawi karet

Caranipun damel kados mekaten:

1.      Paringana wadhah plastik mawi toya dumugi sepalihipun

2.      Paringana botol mawi caustic soda kinten-kinten 2-3 sendhok dhahar lajeng paringi toya dumugi sepalihipun

3.      Remes-remes aluminium foil kinten-kinten 10-20 cm lajeng lebetaken wonten ing botol

4.      Tutup botol mawi sebulan

5.      Rendem botol wonten ing wadhah plastik

6.      Sasampunipun sebulan ngembang utawi kaisi angin, pundhut sebulanipun lajeng tali mawi tali, benang, utawi karet

Saged damel pinten-pinten sebulan ingkang saged miber kanthi cara gampil saha boten awis. Sumangga dipuncobi. Sugeng ambal warsa…